الناس الطيبين

حاجات كتيرة بتتولد جوانا دايماً ..
حاجات كتيرة بتتوجد من غير ما نعلم
ذي الحنين ناحية وطن ..
ذي الضمير ..
ذي الحياة ..
ذي الشجن ..
ذي الجريح دمه بينزف وحالف يثبت بإيده العَلم
كل الحاجات ده كنت بشوفها ..
لسة بشوفها ..
في وشوش الناس ..... الطيبين
في وشوش الناس الطيبين افتكرت حاجات كتير
مصطبة من طين بلدنا
وزقزقة عصفور كناريا
وسنبلة م الأرض تطلع
بعد ما تكبر تميل
افتكرت وقت طلعة الهلال
شوفت الرحاية لما بتدق الغلال
متبسمة شكل الطحين
تيجي اختي ايمان واخويا يوسف
راسمين عروسة م العجين
كاتبين عليها بإيد بريئة
مش بالكلام .. لأ بالطريقة
ان لسة حياتنا فيها طيبين
طيبين يعني لسة الطفل عايش بين ضلوعهم
لسة بينزل دموعهم لما بيأذن آذان
يا رب عود زمن الطيابة
يا رب خلي زمن الطيابة
زمن الحمام لما بيمشي ع الأرض من غير اي خوف
زمن الكلام لما بيحلي يخترع م النور حروف
زمن ال**وف ..
زمن الحيا