كل واحد سندباد

كل واحد سندباد

************
كل واحد سندباد جاى وراحل بالمعاد
خطوتين والرحله تخلص دنيتك ميه وزاد
كل واحد جاى رايح قلبه مليان بالجرايح
يلقى عمره منه يجرى عمرنا راكب جواد

ده كل واحد سندباد



لو هتسألنى هقولك بعد ربك مين فضلك
هوه قعلك بس هوه ينفى شمسك او يضلك
هوه ناسك هوه اهلك مهما لفيت البلاد

ده كل واحد سندباد


احنا كنا زمان صغار مبعترين زى الغبار
نجرى نجرى ورا الفراش وكمان نشخبط على الجدار
وحبه حبه من غير مندرى لقينا رحنا قوام كبار
ولا شفنا حد بادينا خد سبونا بين جنه ونار
سابونا نجرى ورا السنين لحد فادنا ولا استفاد

وبقى كل واحد سندباد


يالا بينا نقول كمان ع اللى صار وع اللى كان
كان زمان فى الست بلدى حاجه حلوه على اللسان
حاجه حلوه فى القلوب كان وفاء وكان امان
بس جه فجأه زمان فيه لقينا الغدر بان
فيه لقينا العيبه كترت وانتشر فيه الفساد

وبقى كل واحد سندباد


خد نصحتى مش هغشك مش فى ضهرك لا فى وشك
لما تيجى تبنى عشك اوعى مره تكون جبان
هات سلاحك جنب فرشك هات حديد جنب الحيطان
اصل واحد جاى يهشك اصحى فوق ده الوقت حان
قوم ودوس على الشيطان قوم ولبى للاذان

ده كل واحد سندباد


كل يوم يضلم,,,,, بعده ايه؟! الله اعلم؟!
يالا نام واتغطى واحلم,,,,بكره تلقى الصبح عاد
وتبقى برضو سندباد
وتبقى برضو سندباد