مسابقه Fear Factor Exterme

السلام عليكم

اولا كلنا سمعنا عن برنامج ارض الخوف
برنامج تحدى الخوف

Fear Factor Exterme


وشاهدنا حلقاته
وكلنا عجبنا البرنامج والتحديات الى فيه
انا حبيت اعمل مسابقه تحمل نفس الاسم
بس مسابقه ترفيهيه



الكل طبعا هيسال يعنى ايه المسابقه دى
وازاى هنقدر نعمل زى البرنامج
انا هشرحلكوا




المسابقه دى احنا مش هنقدر نعمل فيها تحديات زى البرنامج
بس هنعمل فيها تحديات بينا ما بين بعضينا
والمقصود منها اننا الترفيه واننا نتسلى سوى
والى هي**ب هيبقى العضو المتالق المميز
وهيتعمله توقيع جرافيك جاااااامد
والمسابقه كل اسبوع بتتجدد وبيبقى فيها اعضاء جدد ومراحل جديده



والتحديات بتاعتنا هتبقى عباره عن

اسئله سرعه
اسئله عامه
احضار اى صوره وبالمواصفات المطلوبه وفى الوقت المحدد
عمليات حسابيه
الغاز
امثال شعبيه
لعبه عروستى
يعنى اى شىء توقعه جوه المسابقه دى



المسابقه هتكون ازاى

اننا الاول هنفتح باب الترشيح الى عايز يشترك فى المسابقه يرشح نفسه


والترشيح هيبدا من دلوقتى


بعد كده هنشوف مشترك معانا كم عضو لو عدد الاعضاء يسمح ببدأ المسابقه هنبدأها على طول
لكن لو عدد الاعضاء يزيد عن 10 متسابقين هنصفى منهم بسؤال سرعه

هنحدد معاد يعنى يوم وساعه معينه

والمعاد انتوا اللى هتحددوه


شروط المسابقه

1- ان يكون جميع الاعضاء المشتركين موجودين فى الوقت ده والكل ينزل مشاركه ويقول ان هو موجود
بعدها انا هطلب الطلب او هسال السؤال
طبعا الاسرع هو الى هي**ب

وكل حلقه هنصفى واحد من المشتركين لغايه اما يفوز واحد بس
هو العضو المتالق

2- العضو الى مش هيحضر فى الوقت ده وهيتاخر عن الحضور 10 دقايق يعتبر منسحب

3 - العضو اللى هيطلب منه طلب ومش هيعرف ينفذه يعتبر منسحب

4- العضو الى هيشترك فى المسابقه وبعد كده ينسحب لاى سبب مش هيكون ليه الحق فى الترشيح بعد كده فى اى مرحله تانيه





والى عنده اى سؤال او استفسار يتفضل

والى عنده اقتراح بردو يتفضل

والى عايز يشترك معانا يقول ان هو مشترك

المسابقه شديده
التنافس شديد

من الاخر

عاوزين نولعها


ويا رب فكرتى تعجبكم

وهستنى رايكوا