يا رب سبحــــــــــــــانك

يارب سبحانك
يا رب سبحــانك يا رب ........ يــا رب يا جامع لاحباب
يا رب في رحابك بنحِب ........ وبنِنتِظر عطفك ع الباب
إهديني بهدايتك يـــارب ......... ماانت اللي بتنوَّر لالباب
واغفِرلي يا غفـَّار الذنب ........ وحدك يارب انت التوَّاب
انت اللي بتطهـَّر في القلب .... وانت اللي بتسبب لاسباب
ياللي خلقت الخير والحُب ...... قلبي ف عِشقك حب وداب
ـــــــــــــــــــــــــــ
أبدًا لا ليك كفوًا أحـــــد ....... إنت الأحــــد وانت الصمـد
إنت اللي دايمًا تنحَمَد ........ وانت اللي وحــــــــدك تِنعَبَد
وانت اللي بتربِّي الولد ............... من قبل حتى ما ينوّلد
وانت اللي موجود للأبد ........... ودليل وجودك ماله حد
ولا ليك شريك ولا لك ولد ...... والكون آيات ملهاش عدد
ملناش سِواك أبدًا سنـَد ............... دايمـــــًا بتلحقنا بمدَد
ــــــــــــــــــــــــ
يا رب حققلي الأمل ............ يا رب واهديني الهـُــدَىَ
خللِي الفؤاد بيك ينوّصَل ........... ناديني وهـــلبِّي النِدَا
أنا حبي ليك مهما حصل ........... يارب نوِّلني الرضا
إرحمنا يوم ماهننسَأل ........... في القبر من بعد الرَدَىَ
إعفيني من ذنب اتعَمَل ............. أصل الملايكه مشدِّدَه
ويا بخت مِين دينه اكتمَل .... ويا بخت مِن تاب واهتدَىَ
*********